Производство на вино и ракија

Винариите и дестилериите се оператори со храна како и секоја друга прехранбена компанија — HACCP е законска обврска, а не избор. Специфичното е што опасностите не завршуваат со хигиената: кај виното се следат сулфур диоксидот и сулфитите поради означувањето на алергените на декларацијата, кај ракијата метанолот и фракциите на дестилатот, а кај двете остатоците од средствата за заштита на растенијата од лозјата и овоштарниците.

Критични точки обично се приемот на суровината, ферментацијата и контролата на температурата, одвојувањето на првата и последната фракција при дестилацијата, филтрацијата и полнењето, како и затворањето и декларирањето. Покрај HACCP, воведуваме ISO 22000 кога купувачот бара сертифициран систем, IFS Food за трговските синџири, ISO 9001 за доследност на серијите и ISO 14001 за комината, отпадните води и амбалажата. За извоз во ЕУ сето тоа оди заедно со следливост од парцелата до шишето.