Чести прашања и одговори

Цената се разликува од организација до организација: зависи од бројот на вработени, дејноста, бројот на локации, сложеноста на процесите, постојното ниво на уреденост и стандардот што се имплементира. Затоа понуда даваме дури по бесплатната воведна консултација — без паушални бројки што подоцна растат.

Прилагодување на барањата на стандардот кон реалното работење: воспоставување процедури, евиденции, одговорности, цели, ризици, интерни проверки и преглед на системот. Детално објаснуваме на страницата „Што е имплементација на ISO стандард?“.

Документ со кој независно сертификационо тело потврдува дека системот за управување на организацијата е сообразен со барањата на конкретниот стандард. Важи 3 години, со годишни надзорни проверки (кај повеќето стандарди).

Постапка на независна проверка на системот: преглед на документацијата (Stage 1), проверка на примената во пракса (Stage 2), издавање на сертификатот, годишни надзорни проверки и ресертификација.

Најчесто од 2 до 6 месеци, зависно од стандардот и организацијата: ISO 9001 обично 2–6 месеци, ISO 27001 4–8, HACCP 1–3 за помали објекти. Кај големите системи — над 500 вработени, повеќе локации или интегриран систем од повеќе стандарди — проектот реално трае и подолго од една година; и таквите клиенти ги водиме. Рокот прецизно го дефинираме по гап-анализата.

Стандардите се доброволни (исклучок се законските обврски како HACCP процедурите во работењето со храна), но сертификатите сè почесто ги бараат тендерите, купувачите и договорите — па во пракса стануваат услов за работа.

Независно акредитирано сертификационо тело. Консултантот не смее да издава сертификат на организацијата што ја подготвувал — ние ве подготвуваме и ви препорачуваме акредитирани сертификациони тела.

Да — полна вредност и меѓународно признавање има само сертификатот од сертификационо тело акредитирано за конкретниот стандард и област. Неакредитираните сертификати често се одбиваат на сериозните тендери и кај купувачите.

Имплементацијата е воспоставување на системот во организацијата (тоа го правиме ние заедно со вас); сертификацијата е независна проверка на тој систем (тоа го прави сертификационото тело). Две одвоени улоги — намерно.

Да — и тоа најчесто е поисплатливо. Стандардите ја делат истата структура (HLS), па документацијата, ризиците, интерните аудити и прегледите од раководството се прават еднаш за сите.

Еден систем што истовремено ги исполнува барањата на повеќе стандарди (на пр. ISO 9001 + 14001 + 45001), со единствена документација и проверки. Детално на страницата „Интегриран систем за управување“.